[497] In Nomine domini nostri Yesu Christi amen. Ad honorem et reverentiam omnipotentis dei et beate marie virginis glorioxe et beatorum confessorum Petronij et Ambroxij, nec non jeronimj et Augustinj ac Tome de Aquino, militantis Ecclesie doctorum, sanctorumque Cosme et damianj, et tocius celestis curie triunfantis, et etiam ad magnificentiam et exaltationem ac honorem et bonum statum sanctissimi in Christo patris et domini nostri, domini Alexandrj divina providentia pape quinti et sancte Romane Ecclesie, ac etiam Reverendissimj in Christo patris et domini d. Baldassaris Cosse, miseratione divina sancti Eustachij diaconj Cardinalis, Apostolice sedis legati ac Bon. etc. pro sancta Romana Ecclesia in spiritualibus et temporalibus vicarij generalis et tocius Civitatis bononie et amicorum eiusdem, et ad perpetuam doctrinam, regulam et observationem tocius Collegij doctorum scientie medicine civitatis bon., visa corecta et examinata, et ex antiquis voluminibus constitutionum et statutorum dicti Collegij de novo compillata et in publica forma redacta fuerunt Constitutiones, statuta et ordinamenta Collegij antedicti, tempore infrascriptorum doctorum dicti Collegij et in ipso Collegio incorporatorum et vocem habentium, quorum nomina sunt hec, videlicet: Magister Johannes de buchis, ad presens prior dicti Collegij, Magister Martinus de Cento, Magister paulus de buvalinis, M. Johannes de cazano, Magister Petrus de Varignana, Magister Johannes de muglo, Magister Franciscus Aristotilis, Magister Guizardus de principibus, Magister Antonius de ferris, Magister [498] petrus de Argelata, Magister Bandinus de muglio, Magister dominicus de Raigoxa, Magister Johannes Magistri Guidotj, Magister Vincentius Magistri Antonij Vincentij, Magister danyel de sancta sophia, Magister Andreas de cazano, sub Annis, Indictione, mensibus, diebus, pontifficatu, loco et presentibus doctoribus dicti Collegij inferius in publicatione et approbatione infrascripta, in fine voluminis ipsarum constitutionum ac statutorum et ordinamentorum predictorum inferius descriptis, ac scripta, lecta et publicata per me Bartolomeum condam Magistri Jacobi de muglio notarium bon., Et nunc, una cum Johanne condam Martinj de dug[l]iolo notario bon., dicti Collegij notarium, de mandato dicti Magistri Johannis de buchis prioris Collegij memoratj et aliorum dicti Collegij doctorum inferius, ut premictitur, descriptorum.